Saneg "Samarkand Marathon" xalqaro xayriya marafonida

3-noyabr kuni Saneg kompaniyasi xodimlari O‘zbekiston Madaniyat vazirligi huzuridagi Madaniyat va san’atni rivojlantirish jamg‘armasi tomonidan tashkil etilgan har yili o‘tkaziladigan "Samarkand Marathon" xalqaro xayriya marafonida ishtirok etishdi. Turli mamlakatlardan 5000 dan ortiq ishtirokchilarni to‘plagan tadbir madaniyat va san’at inklyuzivligini qo‘llab-quvvatlash, shuningdek, sog‘lom turmush tarzini targ‘ib qilishga qaratilgan edi.

Konlarni o‘zlashtirish bo‘yicha bosh direktor o‘rinbosari — bosh geolog Stanislav Vasyutkin 21 km masofani 1 soat 54 daqiqada bosib o‘tib, o‘z toifasidagi 119 ishtirokchi orasida 35-o‘rinni (35-39 yoshli erkaklar) va umumiy hisobda 612 ishtirokchi orasida 173-o‘rinni egalladi.

Konchilik-geofizika ishlari boshqarmasi boshlig‘i Ayrat Sayaxov 5 kilometrlik masofani 30 daqiqa 30 soniyada bosib o‘tdi. Bu natija unga o‘z toifasida 72 nafar ishtirokchi orasida 9-o‘rinni va umumiy hisobda 989 nafar ishtirokchi orasida 113-o‘rinni egallash imkonini berdi.

"Sport va sog‘lom turmush tarzini qo‘llab-quvvatlash – bu bizning korporativ madaniyatimizning bir qismi va har bir xodimning shaxsiy rivojlanishiga muhim hissa qo‘shadi. Biz kompaniyaning faol va sog‘lom turmush tarziga sodiqligini namoyish etayotgan xodimlarimizning sportdagi muvaffaqiyatlaridan faxrlanamiz", – dedi kompaniya bosh direktori To‘lqin Yusupov.