Yil yakunlari: Saneg AYoQSh tarmog‘ining rivojlanishi

Saneg brendi ostida yoqilg‘i infratuzilmasini rivojlantiruvchi SEG Tasco kompaniyasi yil yakunlarini sarhisob qildi. Yangi avlod avtomobillarga yoqilg‘i quyish shoxobchalari va avtomobillarga gaz to‘ldirish kompressor stansiyalari tarmog‘i xavfsizlik, raqamlashtirish va mijozlarga xizmat ko‘rsatishning yagona standartlarini saqlab qolgan holda izchil kengayishni davom ettirdi.

Yil yakuniga ko‘ra, 8 ta yangi yoqilg‘i quyish shoxobchasi ishga tushirilib, tarmoq obyektlarining umumiy soni 22 ta AYoQSh va 10 ta AGTKShga yetdi. Yil oxirida yana ikkita – Samarqandda "Pastdarg‘om" va Farg‘ona viloyatida "Rishton" AYoQShlari ishga tushirildi.

Yangi obyektlar Sanegning yagona korporativ formatida qurildi. Har bir stansiya oltita yoqilg‘i tarqatish kolonkasi, keng assortimentga ega do‘konlar va qahvaxonalar bilan jihozlangan. Sanitariya zonalari zamonaviy talablarga javob beradi va nogironligi bo‘lgan shaxslar uchun to‘liq moslashtirilgan.

Raqamli yechimlar va mobil ilova

Saneg tarmog‘i mijozlar uchun raqamli vositalarni faol rivojlantirmoqda. Asosiy elementlardan biri Saneg AYoQSh mobil ilovasining ishga tushirilishi bo‘ldi. Bu ilova tarmoq bilan o‘zaro aloqani soddalashtirish: eng yaqin yoqilg‘i quyish shoxobchalarini topish, dolzarb xizmatlar va takliflarni kuzatib borish, zamonaviy to‘lov usullari va xizmat ko‘rsatish vositalaridan foydalanish imkonini beradi.

Yoqilg‘i kolonkalarida to‘g‘ridan-to‘g‘ri QR-to‘lovning joriy etilishi va barcha obyektlarning yagona GasKit raqamli tizimiga integratsiyalashuvi jarayonlarning shaffofligini va real vaqt rejimida yuqori darajadagi nazoratni ta’minladi.

Standartlar, sifat va xavfsizlik

Tarmoqni rivojlantirish xalqaro amaliyot va me’yoriy talablarni hisobga olgan holda kompleks muhandislik yondashuviga asoslanadi. SEG Tasco yoqilg‘i uskunalari ishlab chiqaruvchilar bilan bevosita hamkorlik qilib, ta’minot barqarorligi va xizmat ko‘rsatishni ta’minlaydi.

Yonilg‘i sifatini nazorat qilish ko‘chma laboratoriya yordamida amalga oshiriladi. "Angren" neft bazasida yoqilg‘ini qabul qilishdan uni sotishgacha bo‘lgan tadqiqotlarning to‘liq siklini ta’minlaydigan zamonaviy laboratoriya qurilishi yakunlanmoqda.

AYoQSh va AGTKShlar, shuningdek, tegishli idoralar bilan hamkorlikda o‘quv tadbirlari va xavfsizlik algoritmlarini ishlab chiqish uchun maydoncha vazifasini o‘taydi.

Mijozlarga xizmat ko‘rsatish va rivojlantirish rejalari

Saneg stansiyalari infratuzilmasi haydovchilarning haqiqiy ehtiyojlarini hisobga olgan holda – ham shahar sharoitida, ham shaharlararo yo‘nalishlarda shakllantirilmoqda. Bir qator obyektlarga xizmat ko‘rsatish sifati allaqachon milliy miqyosda e’tirofga sazovor bo‘ldi.

Mavjud tarmoq bilan bir qatorda kompaniya kengayishni davom ettirmoqda: 13 ta yoqilg‘i quyish shoxobchasi qurilyapti, shuningdek, o‘rta muddatli istiqbolda 30 ga yaqin yangi AYoQShlarni qurish uchun yer maydonlari tayyorlanmoqda.

Kelgusida mobil ilovani rivojlantirish, uning funksiyalarini kengaytirish va Saneg stansiyalarida mijozlarga xizmat ko‘rsatishni yanada takomillashtirishga alohida e’tibor qaratiladi.